నేను మామూలుగా పెద్ద సుత్తి కొట్టే టైపు కాదు. కాని ఈ రోజు కొంచెం తట్టుకోలేక ఇది రాస్తన్నా.

శుక్రవారం సాయంత్రం, ఆఫీసు నుంచి కొంచెం తొందరగా వచ్చేసా, అందరూ ఎళ్లిపోతన్నారు కదా అని. బీరు కొట్టి బిరియాని తింటం అయిపోయింది. పోకిరి చూసేసి పడుకుందామని ఆలోచన లో ఉన్నా. కాని అదింకా download అవ్వలేదు. ఈ తెలుగు సినిమాలు అంత తొందరగా దిగవు. వారాలు వారాలు పట్టేస్తయ్.

న్యూస్ మొత్తం చదివేశాను. పారిస్... పేరిస్... ప్యారిస్ కాదు ఇంగ్లీషే బెటరు. paris hilton dui కింద అరెస్ట్ అయిందంట. మరీ ఎక్కువ తాగేసి పగలు పూట డ్రైవ్ చేసి ఉంటది, లేకపోతే వాళ్లని ఎవరు అరెస్ట్ చేస్తారు? Lindsay Lohan పర్స్ ఎవరో కొట్టేసారంట లండన్ లో, కానీ మళ్లి ఇచ్చెసారంట. పొనీలే పాపం style icon లకి పర్సులే ముఖ్యం. అమెరికా న్యూస్ ఓవర్. ఈనాడు పేపర్ ఒక రౌండు చదివేశాను. తెలంగాణా తెలంగాణా అంటానే ఉన్నారు మూడేళ్ల నుంచి, ఇంకా హెడ్ లైన్స్ లో వస్తానే ఉంది. ఫాలో అవుతా ఉండాలి ఎందుకంటే మరి హైదరాబాదు, విజయవాడ real estate ని ఎఫెక్ట్ చేస్తంది కాబట్టి. ఎలా ఉన్నాయో ఎంటో రేట్లు!?

life in new york sucks. ఇంతకు ముందు కాలిఫోర్నియా లొ ఉన్నప్పుడు బాగుండేది. శుభ్రంగా కారేసుకుని తిరిగేసే వాణ్ని. ఇక్కడ రోడ్లే సరిగ్గా ఉండవు. ఆఫీసులు, మనుషులు కూడ కొంచెం తేడాగా ఉంటారు. ప్రతీదానికీ చెప్పెళ్లాలి, చెప్పులేసుకెళ్లాలి అనే టైపు గాళ్లు. వేరే చోట్ల అయితే IT work culture కొంచెం flexible గా ఉంటది. వీళ్లెప్పుడు నేర్చుకుంటరో ఏంటో!

ఈరోజు ఒక కొలీగ్ ది లాస్ట్ రోజు ఆఫీసులో. లంచ్ కి వెళ్లాం బయటికి. దారిలో ఒకాయన చెప్పాడు, జావా లో ఎవో కొత్త టెక్నాలజీలు వచ్చాయంట. ఈ ఎదవ జావా లొ రోజుకొకటి వస్తా ఉంటది. రక రకాలు. శుభ్రంగా డాట్ నెట్ లో కి ఎళ్లాల్సింది. మైక్రోసాఫ్ట్ వాడు ఈజీ చేసి పెట్టేవాడు. ఏదో బిల్లింగ్ బాగుంటది అంటే దీంట్లోకొచ్చా. ట్రేడ్ ఆఫ్. ఇంతకీ హాట్ టెక్ ఏంటంట అంటే ajax అంట, చాలా మంది నేర్చుకుంటన్నారంట. ajax ajax ఎక్కడో విన్నట్టు అనిపిచ్చింది. సరే కదా అని గూగుల్ కొట్టాను. 95,200,000 ఇచ్చాడు. అబ్బో చాలా హాట్ అనుకొని నాలుగు లింకులు కొట్టాను. బాగా explain చేసాడు. bookmark చేద్దామని చూసాను తరవాత చదువుకోవచ్చని. కాని bookmarks లో అవి already ఉన్నాయని తెలిసింది. ఎన్నాళ్లు ఉంటాయో అక్కడ చూడాలి!

28 ఏళ్లు వచ్చేసాయి. పెళ్లి ఇంకా కుదరట్లేదు. ఏదో పెళ్లి ఈజీ గా అవుద్దని వచ్చాను US కి. కాని అది కష్టం అయిపోతంది. పిల్ల నచ్చితే చదువు నచ్చదు. చదువు నచ్చితే పిల్ల నచ్చదు. ఇంకోటి నచ్చితే ఇంకోటి నచ్చదు. అన్నీ బాగుంటే మనకంటే ఫాస్ట్ గా ఉంటది. అమ్మో!

శుభ్రంగా ట్రాక్టర్ ఎక్కి వ్యవసాయం చేసుకున్నా బాగుండేది, రోజూ గోదారి ఒడ్డు, సినిమాలు, రాజకీయాలు, సిగరెట్లు... happy గా ఉండేది లైఫు :)

ఈ బ్లాగు కూడా నా లైఫు లాగానే సగం తెలుగు, సగం ఇంగ్లీషు లో ఉంది.

సరేలేండి, మళ్లీ కలుద్దాం. పడుకోవాలి. పుద్దున్నే లేచి క్రికెట్ ఆడుకోవాలి.అదొక్కటి మిగిలింది కాని winter/snow వస్తే ఇది కూడా కష్టమే :(